jamm

 Júlí er búinn að stórum hluta að einkennast  af ferðalögum, hittingum, kaffihúsaferðum, sjónvarpsglápi á HM í fótbolta og bíltúrum.. 

Í hádeginu laugardaginn 4. júlí fór ég í bakaríið á Höfða og hitti þar; Helgu, Sif, David, Alexöndru, Andreu (þau búa öll í Noregi en voru í nokkra daga heimsókn á Fróni), Siggu, Mumma, Bigga og Hönnu. Ég hitti þau öll síðast árið 2019 í jarðaförinni hans Hadda pabba í Norge og því var gaman að hittast aðeins, við áttum góða stund, hlógum, spjölluðum, fengum okkur köku og kaffi og svo fékk ég gjafakort í afmælisgjöf frá fólkinu mínu í Norge😃. 

Sunnudaginn 5. júli fórum ég, Gunni, Jói, Gunnar og Birgir í bíltúr út úr bænum í sól og sumaryl. Keyrðum á Þingvelli, fengum okkur hressingu á þjónustumiðstöðinni, keyrðum svo Nesjavallaleið til baka og stoppuðum við Hafravatn þar sem strákarnir fóru aðeins að veiða í vatninu.. Komum svo hingað í Mosó, fengum okkur lambalæri og meðlæti og horfðum svo á fótboltaleik í sjónvarpinu.. áttum góða samverustund þann daginn😀 

Mánudaginn 6. júlí hitti ég Elínu, Kiu og Sögu á kaffi Mokka á Skólavörðustíg, við fengum okkur kakó, kaffi og vöfflur og löbbuðum svo aðeins um miðbæinn og áttum góða stund saman😃.

Laugardaginn 11. júlí var líka nóg um að vera. Byrjaði á því að keyra inn í Hafnarfjörð í hádeginu til að hitta vinkonur mínar þær Gyðu, Kristínu og Heiði á kaffihúsinu Barböru. Við áttum góða stund saman og spjölluðum, hlógum og fengum okkur í gogginn 😃. Eftir að ég hafði kvatt þær eftir c.a. tvo tíma renndi ég upp í Grafarvog þar sem Elín vinkona mín sem býr í Finnlandi var með óvænta afmælisveislu í tilefni af 50 ára afmælinu sínu.. Þar hitti ég líka Þórunni sem ég hef ekki hitt lengi og áttum við fínustu stund saman😊  

Ég átti 50 ára afmæli 14. júlí og af því tilefni kíktum við mamma á kaffihús og svo um kvöldið pöntuðum við Gunni okkur pizzu og horfðum á fótboltaleikinn í imbakassanum😋 

Jói og strákarnir fengu lánað sumarhús á Kirkjubæjarklaustri og  miðvikudaginn 15. júlí keyrðum við Mosóbúarnir af stað þangað eftir hádegið og vorum komin á Klaustur seinnipartinn. Það var rigning í Mosó þegar við lögðum af stað stað og það rigndi næstum því alla leiðina að Vík í Mýrdal en svo var sól og fínt veður eftir það.. EFtir að hafa sett inn dótið og fengið okkur kaffi fórum við  öll í smá gönguferð um Klaustur, fengum okkur hressingu á kaffihúsinu og svo þegar við komum aftur í húsið grillaði Jói lambakótelettur og meðlæti.. Við horfðum svo á fótboltaleik og að honum loknum fóru Jói, Gunnar og Gunni í smá bíltúr, gaman fyrir Gunnar að fá að prófa að keyra líka aðeins úti á landi í æfingaakstrinum, en við Birgir nenntum ekki með og tókum því rólega í bústaðnum. Fórum svo að sofa um miðnætti, þreytt eftir góðan og skemmtilegan dag😎

Daginn eftir átti Birgir okkar 11 ára afmæli og fékk pakka af því tilefni.. Eftir hádegið lögðum við að stað í ævintýraferð í góðu veðri, keyrðum í c.a. 15 mínútur frá bænum og beygðum út af veginum í átt að Lakagígum..Það var skemmtileg ferð sem tók c.a. 5 tíma í allt fram og til baka, keyrðum að Lakagígum og keyrðum svo hring um svæðið, þetta var ágætis malarvegur, fórum yfir vöð og sprænur og upp og niður hæðir og hóla og sem betur fer var ekki mikið umferð svo við komumst ágætlega áfram.. Engin af okkur hafði komið á þetta svæði áður, þetta var mikil upplifun og mjög fallegt þarna og gaman að sjá..og ég mæli með að þið kíkið þarna.. Við komum svo aftur á Klaustur um klukkan 19:00, fengum okkur smá hressingu og svo lögðum við Gunni af stað í bæinn og vorum komin heim rétt fyrir miðnætti.. Þetta var stutt, en góð og skemmtileg ferð, góð samverustund, mikil upplifun, gaman að sjá eitthvað nýtt og ég hef ekki komið á Klaustur síðan ég fór í útskriftarferð þangað þegar ég kláraði 10 .bekk.. Jói, Gunnar og Birgir fóru svo heim daginn eftir..😀 

Sunnudaginn 19. júli var svo smá sameiginleg afmælisveisla fyrir mig og Birgi hér í Mosó. Ég keypti nokkrar kökur, rjóma og berjablöndu, kaffi og djús og við gæddum okkur á veitingum og Birgir fékk annan pakka og  áttum við fína stund saman; ég, Gunni, mamma, Jói, Birgir og Gunnar 😀

Þriðjudaginn 21. júli hitti ég Heiði á veitingahúsinu Vox, við fengum okkur að borða, skiptumst á afmælisgjöfum og áttum góða stund saman..😊..

 Ég fékk margar góðar afmælisgjafir,peninga, gjafakort, blóm, konfekt og svo var ég búin að fá snjallsíma fyrirfram😉 

Þriðjudaginn 28. júlí fórum við mamma í bíltúr í fínu veðri, keyrðum yfir Hellisheiði, pöntuðum okkur kaffi og köku í Þrastarlundi, fórum Þingvallaveg til baka, stoppuðum í þjónustumiðstöðinni á Þingvöllum og fengum smá hressingu og þá var byrjað að rigna,  vorum svo komnar í bæinn seinnipartinn og áttum fínustu samverustund😃

Hef líka dundað við ýmislegt annað í fríinu, lesið bækur, farið í sund, gönguferðir og leikfimi, horft á imbakassann, farið í klippingu, kíkt í búðir og setið í sólbaði á svölunum😎 ..

Veðrið hefur verið upp og ofan, var ágætt í endaðan júni og fyrstu vikuna í júlí, sól og hiti, svo var rigning, vindur og dimmt yfir í 10-14 daga um miðjan mánuðinn, en síðustu 3-4 daga hefur verið flott veður, sól, 14-18 stiga hiti og ýmist logn eða gola og í dag er gott veður og það á að vera besta veðrið á suður og vesturlandi um helgina..

Jæja, þetta er nóg í bili, hafið það gott og farið varlega í umferðinni..

Sandra lata í sumarfríi.. 

yndislegt

 að vera komin í sumarfrí😎, ég hef nú tekið því frekar rólega þessar tvær vikur sem ég hef verið í fríi og reynt að hvíla mig dálítið. Ég hitti vinkonur mínar, Valdísi og Heiði laugardaginn 13. júní og við fórum út að borða á Jómfrúnni sem er ágætis staður og áttum góða stund saman. Ég hef líka farið í sund og gönguferðir,  matarboð til mömmu og búðarráp 😊.. Svo fór ég í tannrótartöku 19. júní og er svona að jafna mig á því, sárið grær vel og saumarnir voru teknir í gær...

Gunnar okkar kom mánudagskvöldið 22. júní og gisti hér þar sem hann var að fara til Svíþjóðar á stórt fótboltamót um nóttina og Gunni skutlaði honum svo upp á völl..😉

 Fimmtudaginn 4. júní var lokaslútt hjá frístundinni til að loka vetrarstarfinu. Við hittumst í Egilshöll kl. 18:00, fórum í keilu og það var mikið hlegið og fíflast og ýmis tilþrif með kúluköstin og að leik loknum fórum við að borða á Shake and pizza.. Vorum þarna til rúmlega 21:00 og áttum góða og skemmtilega stund saman😃

Föstudaginn 5. júni var svo komið að vorferðinni með skólanum.. Það var kennsla til tæplega 14:00 og svo var lagt af stað með rútu um 14:15 frá skólanum.. Við keyrðum til Stokkeyrar þar sem hluti hópsins fór í kajakferð, nokkrir gengu yfir á Eyrarbakka og hluti hópsins, þ.á.m.ég fóru í Veiðisafnið á Stokkseyri. Þetta er flott safn með  allskonar uppstoppuðum dýrum, villidýum, fuglum, íslenskum og erlendum og ég mæli með að þið kíkið þangað....

Við vorum á Stokkseyri í c.a. 3 tíma og keyrðum svo yfir á Eyrarbakka þar sem fórum í bragga sem var upphaflega gömul kartöflugeymsla en er búið að gera flott upp og er notað sem salur núna.. Þar fengum við pizzur og snakk og áttum skemmtilega stund saman, það var sungið, hlegið, spjallað, borðað og dansað.. Vorum svo kominn aftur í bæinn um kl.22:00, þreytt og glöð eftir langan, góðan og viðburðaríkan dag😀

jamm, svona er lífið hér í sveitinni.. Eigið góða daga og farið varlega í umferðinni... 

Gunni

 átti afmæli 12. apríl og héldum við fjölskyldan upp á afmælið á veitingastaðum Aski😃

Laugardaginn 25. apríl var komið að vorferð kórsins, fórum að þessu sinni í ferðina fyrir vortónleikana þar sem það hentaði betur.. Við hittumst kl. 11:00 hjá KFC í Mosó, fórum þar í rútu og héldum af stað til Hveragerðis þar sem við fengum okkur pizzu á veitingastaðum Ölverk Pizza & Brewery😋

Þaðan keyrðum við í Villingaholt og stoppuðum á safninu/artgallerýinu; Tré og list hjá honum Óla í Forsæti.. Þetta er stórglæsilegt safn með mikið af tréútskurði/munum eftir Siggu á Grund og fleiri listamönnum ásamt annars konar listaverkum og hlutum, mæli með að þið kíkið þarna við.. Óli sýndi okkur safnið og spilaði á forláta orgel og við sungum 2-3 lög þarna..😊

Eftir að hafa skoðað safnið fórum við í Þykkvabæ þar sem við héldum sameiginlega tónleika með kvennakórnum Ljósbrá sem bauð okkur í heimsókn og tókust tónleikarnir vel, hver kór söng nokkur lög og svo sungum við tvö sameiginleg lög. Eftir tónleika fórum við í íþróttahúsið þar sem var kvöldverður og skemmtun og svo héldum við heim á leið um kl. 21:00, mjög skemmtileg og vel heppnuð vorferð😀

Sunnudaginn 3. maí héldum við vortónleikana okkar í Hlégarði, þeir tókust með ágætum, fullur salur af fólki og mamma og Jói komu að horfa, takk fyrir það😉... Eftir tónleikana fórum við kórfélagarnir saman á veitingastaðinn Blikk og bistró hér í Mosó svona til að slútta vetrarstarfinu og kveðjast fyrir sumarfrí..😎

Laugardaginn 9. maí hittumst við Heiður vinkona í Egilshöll, fengum okkur pizzu og fórum á bíómyndina  ;The Devil Wears Prada 2, ágætis ræma það..😉

Mánudaginn 11. maí var árlegi tiltektardagurinn hér í húsinu, við reyttum arfa og gróður, týndum rusl, sópuðum stéttina, þvoðum glugga og stigagang og margt fleira.. ágætis mæting og stemming.. 

Miðvikudaginn 20. mai fór ég á síðasta kórstjórnarfundinn á þessum vetri, margt sem þurfti að ræða, skipuleggja og gera upp árið..Svo  á ég bara eftir að fara á einn undirbúningfund í haust fyrir aðalfundinn, því ég hef ákveðið að hætta í stjórninni í haust, hef verið 4 ár sem stjórnarformaður og það er komið gott í bili af kórstjórnarstörfum😌

Annars bara allt rólegt, hef farið í klippingu, kíkt í Costco, verið að vinna, farið til tannsa og eitthvað fleira og það styttist í sumarfríið..

Það er komin löng helgi sem er fínt og seinnipartinn í dag ætlum ég, Jói, Gunni, Birgir og Gunnar ætlum að kíkja á nýjustu Star Wars myndina..😊

Nóg í bili..eigið góða daga.. 

Í dag

 á ég 36 ára fermingarafmæli😊

Kollý amma hefði orðið 90 ára 26. janúar og af því tilefni komum við afkomendur hennar saman og fóru út að borða á veitingastaðum Rif í Hafnarfirði.

Laugardaginn 7. febrúar fór ég á tónleika þar sem Birgir okkar spilaði eitt lag á píanó og gekk það svona ljómandi vel hjá honum😍 

Gunnar okkar varð 16 ára þann 11. febrúar og var haldið upp á það með matarboði hjá Jóa og strákunum 😀

 

 

 

Laugardaginn 14. febrúar var Þorrapartý hjá kórnum í sal hér í Mosó, hver og einn kom með mat og drykk að eigin vali fyrir sig og svo voru leikir, söngur, dans, gleði og gaman fram eftir kveldi😃

 Það var kærkomið að komast í páskafrí, ég fór m.a.í klippingu og í búðarferð í Costco og Kringluna. Á föstudaginn langa fórum ég og Jói í mat til mömmu, lambalæri og tilheyrandi og á páskadag komu Jói, Gunnar og Birgir í mat hingað, lambalæri og meðlæti😊

Ég átti kózýkvöld með Heiði vinkonu 28. mars, pizza og vidjógláp..

Í gær var langur æfingadagur hjá kórnum, vorum á æfingu frá 09:00-15:00 og gekk það vel..

Gunni á afmæli í dag og af því tilefni ætlum við fjölskyldan að fara út að borða í kvöld  á veitingastaðum Aski😀 

Nóg í bili, eigið góða viku viku og farið vel með ykkur.. 

Góðan

daginn og gleðilegt nýtt ár..😃

Þá er rútínan að byrja aftur eftir jólafrí, fyrsta vinnuvikan búin sem gekk ágætlega, ég fór á kórstjórnarfund síðasta miðvikudag, margt sem þurfti að ræða og ákveða og svo er fyrsta kóræfingin á nýju ári nú á miðvikudaginn😉

Jólahátíðin var frekar róleg og góð þetta árið, við vorum öll hér saman í Mosó á aðfangadag, hamborgarahryggur og meðlæti, pakkafjör, hlátur og notalegheit.😘. Ég fékk fínar gjafir, bækur: gjafakort, sokka, vettlinga, konfektkassa, sápu, krem, pening og veski..

Á jóladag fórum ég og Jói í mat til mömmu, hangikjöt og meðlæti..  og Jói kom til okkar í mat lambahryggur og meðlæti 28. des.

Þriðjudaginn 30. des fór ég í jarðarför hjá Unni frænku sem varð 95 ára, hún er systir Kollýar ömmu og þar með eru allir í fjölskyldunni af þeirra kynslóð búnir að kveðja þetta jarðlíf.. Þetta var þriðja jarðarförin á árinu, fór 2. jan 2025 í jarðarför hjá móðir Elínar vinkonu minnar, svo var Hanna kvödd 15. júli og svo Unnur 30. des þannig að ég byrjaði og endaði árið 2025 á jarðarförum, jamm svona er lífið.. 

Á gamlárskvöld vorum við Mosóbúarnir hér í rólegheitum, fengum okkur hangiket, horfðum á skaupið og flugeldana og vöktum aðeins frameftir. og svo var 1. jan alger letidagur..

Laugardaginn 3. jan var svo jólaboð hjá fjölskyldunni sem að þessu sinni var haldið hjá Védísi frænku.. Þetta var fínasta boð, það voru  30-40 manns enda komust flestir í þetta sinn, fengum hangiket og meðlæti og ís í eftirrétt..😋

Já, nóg í bili, eigið góða viku og hafið það gott.. 

Dásamlegt

 að vera komin í jólafrí😃. 

Síðasti vinnudagur var föstudagurinn 19. des og þá var jólaball, litlu jól, sparinesti og verkefni í listasmiðju, salnum og íþróttahúsinu og svo vann ég í frístundinni til 16:00  var að vinna af mér vaktir þar milli jóla og nýjárs. Mæti svo aftur í vinnu 5. jan.. Þetta er aðeins lengra frí en áður þar sem núna eru Stórubrandajól og því lítið um virka vinnudaga svona almennt þessi jólin...

Það er búið að vera þónokkuð um að vera hjá mér síðustu vikur...

Fór í klippingu 14. nóv og hitti vinkonu mína laugardaginn 15. nóv þar sem við áttum kózýkvöld, fengum okkur Nings og horfðum á jólamynd😉

Sunnudaginn 23. nóv var sameiginleg kóræfing með tveim öðrum kórum og laugardaginn 29. nóv sungum við með karlakór og kvennakór á sameiginlegum tónleikum í Hlégarði sem tókst vel og gaman að prófa svona samsöng með öðrum kórum. Hver kór söng 5-6 lög og svo sungum við 3 lög saman.😊. 

Daginn eftir var svo komið að fyrsta jólasöngnum sem var klukkutíma prógramm í Ikea sem tókst vel...

Föstudaginn 5. des var jólahlaðborð hjá starfsmönnum í skólanum. Það var haldið á veitingastaðum Haust og vorum við í sérsal á 2. hæð. Ég söng þar eitt jólalag ásamt 4 öðrum konum úr vinnunni og tókst það bara ljómandi vel, enda voru  æfingar á hverjum degi þá viku😁 og kvöldið var fínt, góð samverustund, ágæts matur og eftirréttir,  happdrætti og skemmtiatriði og góð mæting.. 

Vikuna á undan var líka skemmtilegur leynivinaleikur í vinnunni þar sem ég fékk flotta kaffibolla, nammi og krúttlega glerkúlu með glimmeri og piparkökukalli innaní..

Laugardaginn 6. des vorum við að syngja í Mosó, fyrst á opnun jólaskógarins hjá Skógræktinni og svo á elliheimilinu.. og daginn eftir var hálftíma söngur í Smáralind.. svo ég var orðin pínu þreytt eftir þá helgi, en röddin samt sem betur fer í góðu standi😎

Föstudaginn12. des var svo jólahlaðborð fyrir starfsfólkið í frístundinni og var það haldið á vinnustaðnum. Það var fínasta kvöld og góð samverustund,  fengum ágætis mat, kökur og nammi, fórum í skemmtilegan spurningaleik og fengum jólagjöf😊 

Laugardaginn 13. hitti ég svo vinkonur mínar í hádeginu á jólahlaðborði á veitingastaðnum Vox, við borðuðum góðan mat og eftirrétti, spjölluðum, tókum myndir,  skiptumst á jólagjöfum og áttum góða samverustund.. 😀

Eftir hittinginn fór ég í fínasta afmæliskaffi til mömmu, var fyrst á staðinn og svo týndust ættingjarnir inn hver af öðrum😉

 Þriðjudagurinn 16. des var frekar langur, var að vinna til 16:00, þar af var jólakaffi í vinnunni þar sem starfsfólkið kom saman í salnum, átti góða samverustund, fékk kaffi og fínt meðlæti og jólagjafirnar voru afhentar...😊

Eftir vinnu fór ég í Mjóddina þar sem við sungum síðasta jólaprógrammið á þessu ári, þetta var klukkutíma söngur frá 17:00-18:00 og kom ég heim um 18:30, frekar lúin eftir langan dag...

Við mosóbúarnir erum búin að skreyta, setja upp ljósaseríur og jólatréð og allir pakkarnir eru komnir í hús og liggja innpakkaðir undir jólatrénu😌..

Veðrið hefur verið frekar gott undanfarið, það kom smá snjór, hálka og frost í nokkra daga en annars hefur verið ýmist rigning, vindur, asahláka, logn og hitastig frá frostmarki upp í 5-6 stiga hita.. Nú er spáin þannig að á aðfangadag er spáð grenjandi rigningu, roki og 10 stiga hita..😦 

Jói og Birgir komu í heimsókn í gær og Birgir teiknaði fallega jólamynd fyrir okkur sem fór upp á vegg..

Í dag þvoði ég bílinn í góða veðrinu og fór í gönguferð og á morgun ætlum við að klára matarinnkaupin... Klipping og rólegheit á Þorláksmessu og á aðfangadag verður hamborgarhryggur og meðlæti og pakkastuð með Gunna, mömmu, Jóa, Gunnari og Birgi  hér í Mosó😀

Nóg í bili, óska öllum gleðilegra jóla og farsældar á nýju ári..

Jólakveðja, Sandra í jólafríi...

er

 í síðasta deginum af vetrarfríinu og er sérstaklega fegin að vera í fríi í dag þar sem það hefur snjóað mikið í nótt og morgun og það á að halda áfram að snjóa., færðin er erfið og umferðin í rugli😞

Það gengur vel í vinnunni og rútínan er í fullum gangi, vinna, fundir, kóræfingar, partý og hittingar:-)

Hef dundað við ýmislegt undanfarið, s.s.kíkt í Costco, skroppið til tannsa og í klippingu, farið á kórstjórnarfundi og skólaráðsfund og fínasta stórafmæli hjá kunningakonu minni 😄. 

Laugardagskvöldið 27. september tók ég þátt í  mjög skemmtilegum viðburði.  Þá söng ég með kórfélögum í 60 ára brúðkaupsafmæli hjá yndislegu hjónum sem eru í kórnum og þau sungu að sjálfsögðu með okkur, og svo vorum við áfram í partýinu, það var söngur, dans, spurningakeppni, myndataka, glens og gleði fram eftir kvöldi, mjög gaman saman  😍

Laugardaginn 11. október átti ég kózýkvöld með vinkonu minni, við pöntuðum pizzu og horfðum á mynd..😊

Laugardaginn 4. október fórum við Gunni á kvikmyndina One Battle After Another, mjög góð og töff mynd sem ég mæli með😉

Það er nóg framundan og komið þónokkuð af viðburðum á dagatalið næstu tvo mánuði, m.a. jólahlaðborð með vinnunni og saumó, jólasöngur víðs vegar um bæinn, afmæli og samsöngur með öðrum kórum😄

Nóg í bili, farið varlega og hafið það sem best..

jæja

 þá er rútínan byrjuð aftur sem er alveg ágætt.. Ég mætti í vinnuna 15. ágúst og við tóku skipulagsdagar með ýmsum verkefnum og undirbúningi, m.a. að ljósrita, plasta, færa húsgögn, flokka, telja og merkja stílabækur og námsgögn ásamt því að vera á námskeiðum, fræðslu og allskonar fundum og á einum starfsmannafundinum bauð ég mig fram í skólaráð þar sem enginn annar bauð sig fram😉. Ég er líka að vinna í frístundinni þrjá daga í viku eins og áður..

Kennslan og frístundaheimilið hófust svo 24. ágúst. 

Nemendum í skólanum hefur fjölgað þónokkuð og eru þeir orðnir um 410 talsins, þar af rétt rúmlega 170 á yngsta stigi (1.-4. bekkur) og þurfum við því að tvískipta matartímanum í salnum sem gengur ágætlega..

Ég er í 2. bekk og fylgi því krökkunum mínum áfram og er sátt með það, það eru tveir umsjónarkennarar og þrír stuðningsfulltrúar með 45 börn.😊

Kóræfingarnar byrjuðu svo í liðinni viku og það komu 4-5 nýjir meðlimir sem er hið besta mál😃 og líst mér vel á lagalistann og veturinn...

Laugardaginn 9. ágúst hitti ég Heiði vinkonu í Egilshöll, við borðuðum fyrst á Shake and pizza og fórum svo á grínmyndina Naked gun sem var ágætis afþreying 😆

Þriðjudaginn 12. ágúst fórum ég og mamma í Kringlubíó á grínmyndina Freakier Friday. Hún var nú frekar léleg og í hlénu þá fórum við bara og fengum okkur að borða í Kringlunni😋.

Laugardaginn 16. ágúst kíkti ég í 50 ára afmælið hennar Heiðar sem tókst vel.

Laugardaginn 30. ágúst fórum ég, Valdís og Heiður í bústaðinn. Við lögðum af stað um hádegið í frábæru veðri, komum við í búð og keyptum vistir, stoppuðum svo í Mathöllinni í Hveragerði og fengum okkur í gogginn og vorum komnar á áfangastað um kaffileytið.. Komum okkur fyrir, fengum okkur snarl og í glas, tókum því rólega, spiluðum borðspil, hlógum mikið og spjölluðum, elduðum kvöldmat um níuleytið, fengum meira snakk, nammi og drykki og fórum svo í rúmið um tvöleytið.. Vöknuðum svo fyrir hádegi, borðuðum snarl, tókum til og vorum komnar í bæinn um kaffileytið í geggjuðu veðri, hita og sól. Yndisleg og skemmtileg samverustund 😎

Föstudaginn 5. sept vorum við að vinna til 14:00 og svo tók við haustferðin með samstarfsfélögum í skólanum. Við hittumst í salnum um þrjúleytið, fórum í lítinn leik, vorum sett í lið og svo fóru allir upp í Elliðaárdal þar sem tók við snarl og drykkir og fórum svo í ratleik um dalinn þar sem liðin áttu að leysa ýmsar þrautir.. Að leik loknum keyrðum við til aðstoðarskólastjórans þar sem tók við partý, matur og úrslit úr leiknum.. Fór svo heim um 9 leytið, glöð og sátt með mjög skemmtilega samverustund í góðum félagsskap..😀

Jamm, læt þetta nægja í bili.. farið vel með ykkur og eigið góða viku..

Er

 núna að jafna mig eftir tannrótartöku sem ég fór í síðastliðin fimmtudag. Það gekk allt vel og sárið grær vel, bara leiðindaverkir og æðasláttur í tönnunum en það lagast þegar ég læt taka saumana um miðja næstu viku..

Á afmælisdaginn minn 14. júlí var mjög gott veður, glampandi sól, 20 stiga hiti og logn😎. Ég, Jói og mamma fórum á kaffihús í tilefni dagsins, og svo fórum við Gunni að fá okkur ís í hitanum, fínasti afmælisdagur og góð samverustund með fólkinu mínu😀 

Daginn eftir fórum, ég, mamma og Jói í jarðarför hjá Hönnu sem var mágkona Jóa afa.. Það var mikið af fjölskyldumeðlimum í jarðarförinni og nokkrir komu frá Patró og Barðaströnd og svo annarsstaðar af landinu. Jarðarförin var í Háteigskirkju og erfidrykkjan í safnaðarheimilinu en Hanna verður jörðuð fyrir vestan.. Hanna og Fúsi(bróðir afa) bjuggu á Patró og áttu sumarbústað í Litluhlíð svo það var mikill samgangur á milli á árum áður.. 

Miðvikudaginn 16. júlí átti Birgir okkar 10 ára afmæli😍. Við fjölskyldan hittumst aðeins í Ásgarðinum þar sem prinsinn fékk pakka 

 og svo fórum ég, Gunni, mamma, Jói, Gunnar og Birgir út að borða á Sushi social þar sem var í boði sushi, nauta og lamba steikur og meðlæti.. Birgir fékk svo afmælisköku í boði hússins og var ánægður með hana. Við áttum fínustu samverustund þetta kvöld og gaman að geta haldið upp á afmæli Birgis á sjálfan afmælisdaginn, enda var hann glaður með þetta allt saman😃

 

Jói og strákarnir komu hingað í sunnudagssteik 20. júlí,lambalæri og tilheyrandi og áttum við skemmtilega kvöldstund..😉

Miðvikudaginn 23. júlí fór ég í klippingu fyrir hádegi, kíkti svo aðeins í Costco og keypti smávegis og svo fór ég heim til  Heiðar vinkonu minnar um kvöldið þar sem við fengum okkur pizzu, skiptumst á afmælisgjöfum, horfðum á bíómynd og áttum góða samverustund😀

Jamm, dásamlegt að vera sumarfríi, sofa út, vaka langt frameftir, lesa bækur, fara í sund, gönguferðir og ræktina, sitja í sólbaði úti á svölum, fara í klippingu og  til tannsa, glápa á TV,  fara í heimsóknir, út að borða og í bíó, hvíla líkama og sál og slappa af😏

Nóg í bili.. Sandra lata í sumarfríi...

Ég

 Gunni og Birgir áttum góða samverustund í gær.😃 Við kíktum í Kringluna og fórum á bíómyndina How to Train Your Dragon,  sem er spennandi og flott ævintýramynd. Eftir bíóið fengum við okkur að borða í mathöllinni í Kringlunni og síðan skutluðum við Birgi heim í Geitlandið..

Þann 16. júní hitti ég Elínu vinkonu mína  og dætur hennar á kaffihúsi í Kringlunni, sátum þar í tæplega 2 tíma og áttum góða stund saman😀, þær búa í Finnlandi en voru í smá heimsókn á Fróni..

Föstudaginn 20. júní hitti ég Heiði vinkonu mína í Egilshöll, við fengum okkur að borða á Shake&Pizza og fórum svo á kvikmyndina Ballerina sem er fínasta spennu og hasarmynd  og áttum góða kvöldstund😉..

Annars hef ég bara verið að dóla mér og slaka á í fríinu.. Fór í klippingu og búðarráp m.a. í Rúmfó, Costco og Smáranum, komst loksins með bílinn í smurningu, fór í matarboð til mömmu, endurnýjaði vegabréfið og fór í sund, ræktina og gönguferðir. Hef lesið nokkrar bækur, sofið út, hangið í tölvunni, glápt á sjónvarpið og dormað á sófanum. Fór til tannsa að láta gera við eina tönn og er ekki búin hjá honum ennþá, á m.a. eftir að fara í skoðun og myndatöku og svo á ég tíma hjá honum í tannrótartöku seint í júlí😟..

Það eru framkvæmdir hér í blokkinni þessa dagana, m.a. verið að skipta um svalahandrið og  mála allt tréverkið utanhúss enda komin tími til...

Jamm svona er nú staðan í sveitinni.. 

Nóg í bili.. farið vel með ykkur og njótið sumarsins..

Sandra lata í sumarfríi 

undanfarnar

 vikur hafa verið nokkuð viðburðaríkar.. 

Laugardaginn 26. apríl fór ég með samstarfsfólkinu í frístundinni í Reykjavík escape sem er svona leikur þar sem liðin eru lokuð inni í mismunandi herbergjum og fá klukkutíma til að leysa þrautir og verkefni og komast út úr herberginu.  Þetta var skemmtilegt og það sem meira er að þetta var í 4 skiptið sem ég fer í þennan leik (alltaf sitthvort herbergið) en hef aldrei getað leyst þrautina innan klukkutíma fyrr en nú og það var mjög gaman að ná því loksins😀. Eftir leikinn fór ég svo í kózýkvöld til Heiðar vinkonu og við pöntuðum okkur pizzu og horfðum á vídjó..

Þriðjudaginn 29. apríl var lokaæfing fyrir tónleikana og við æfðum og tókum rennsli í Hlégarði sem er samkomuhús í Mósó.

Sunndaginn 4. maí var svo komið að tónleikum í Hlégarði og að þessu sinni prófuðum við að hafa annan kór( Álafosskórinn) með okkur og tókst það vel. Tónleikarnir hófust klukkan 18:00 og kórarnir skiptist á að syngja og svo voru nokkur sameiginleg lög.. Það voru rúmlega 60 gestir, góð stemming og var sungið til c.a.19:30, flottir og góðir tónleikar. Jói og mamma komu að horfa og þakka ég þeim fyrir komuna😘

                                                      

Jói átti afmæli 7. maí og kíkti ég til hans í kaffi og kökur eftir vinnu😉

Laugardaginn 10. maí var komið að vorferð kórsins.. Við hittumst um 10 leytið upp á Höfða, 14-15 manns fórum þar í pínulitla rútu og héldum að stað út úr bænum😎.                                               

                                       

Komum fyrst við á Þingborg sem er hannyrðavöruverslun. Þaðan lá leiðin til Hellu þar sem fengum okkur súpu og brauð á  veitingastaðum Kanslaranum, svo fórum við að skoða manngerðu hellana hjá Hellu sem eru merkilegir og mjög gaman að sjá þá. 

Þegar hellaskoðuninni var lokið enduðum við að fara í kaffi og kökur í Auðkúlu sem er mjög sérstakt kúluhús með miklum gróði inni og úti..

Komum aftur í bæinn um klukkan 18:00, glöð og pínu lúin eftir frábæra, fræðandi og vel heppnaða vorferð  í góðra vina hópi og þetta var allt nýtt fyrir mér, hef aldrei komið að þessa staði😃

Föstudaginn 16. maí var vorferðin í vinnunni(skólanum) og var það að þessu sinni einfalt, þægilegt og skemmtilegt partý í bænum. Við hittumst um klukkan 16:00 í Egilshöll, spiluðum keilu með allskonar tilþrifum, fengum svo pizzuhlaðborð og að lokum var farið í karókíherbergi sem er innan af keilusalnum. Það voru margir sem tóku lagið þar á meðal ég sem herti mig upp í einsöng, tók Fjöllin hafa vakað og gekk það ágætlega þó ég hafi skolfið aðeins á beinunum á meðan😉. Flestir fóru svo heim um 20:00 en nokkrir héldu áfram gleðinni á kaffihúsi í bænum.. Skemmtileg og flott samverustund  í góðra vina hópi...

Laugardaginn 17. maí fórum ég og mamma í smá bíltúr yfir Hellisheiði og fengum okkur kaffi og kökur á Rósakaffi í Hveragerði, ágætis kaffihús sem ég mæli með😋. 

Mánudaginn 19. maí var stjórnarfundur hjá kórnum þar sem við vorum að loka vetrinum, gera upp árið og ákveða dagskrá fyrir næsta vetur..

Laugardaginn 24. maí hittumst við Heiður í Smáralind, borðuðum á Fridays og fórum svo að sjá síðustu Mission Impossible myndina, urðum að klára séríuna þar sem höfum séð allar hinar😉. 

Nú er vika eftir af skólanum og svo sumarfrí:-) Við fórum með krakkana í Húsdýragarðinn um daginn sem gekk vel, kíktum á róló og fengum frostpinna, fórum á tónleika hjá skólakórnum og gert fleira skemmtilegt. Það er svo gaman að sjá allar framfarirnar hjá þessum krílum í 1. bekk og allir svo duglegir að bæta sig á ýmsum sviðum😊

Jamm, nóg í bili, eigið góða daga og farið vel með ykkur..

dásamlegt

 að vera komin í smá páskafrí😎

Búið að vera smá álag síðustu daga; börnin spennt yfir páskunum, það hefur vantað mikið af starfsfólki og svo komu 2 langir vinnudagar í liðinni viku. Á miðvikudeginum vann ég í skólanum frá 08:00-13:40, fór svo í frístundina og var þar til 16:00, þá fórum ég og annar starfsmaður sem vinnur bæði í skólanum og frístund og börnin aftur yfir í skólann til að spila páskabingó og var það búið um 17:30. Við vorum að vinna af okkur einn jólafrísdag með þessu bingói.. Var komin heim um kl 18:00, smá pása, fór í sturtu og skipti um föt, fór svo á kóræfingu og var komin heim rétt um kl 22:00...

Daginn eftir var ég að vinna í skólanum frá 08:00 til 13:40 og fór svo í frístundina og var þar til rúmlega 18:00 þar sem það var starfsmannafundur eftir vinnu.. 

Fór í klippingu föstudaginn 4. apríl og kíkti síðan í kaffi til múttu..

Gunni átti afmæli í gær og héldum við upp á það með því að fara að borða á Stælnum með Jóa, Gunnari og Birgi, síðan fórum við heim til Jóa í kaffi og kökur og áttum góða samverustund 😃

Annars bara rólegheit í fríinu, þarf að útrétta aðeins í vikunni og fer í matarboð til mömmu😉

Svo er nóg framundan næstu vikur, m.a. kóræfingar, tónleikar, hittingar með vinum og vinnufélögum og vorferðir með kórnum og vinnustaðnum..

Nóg í bili, hafið það gott og borðið mikið af páskaeggjum😋

Við

 Gunni fórum á flottu og dásamlegu leiksýninguna um Ellý Vilhjálms sunnudaginn 2.mars og var það mikil upplifun😀.. Laugardaginn 8. mars fór ég í kózýkvöld til Heiðar vinkonu, fengum okkur pizzu og nammi og horfðum á bíómynd..

 Helgina 14. -16. mars var svo komið að árlegu æfingar og árshátíðarhelgi kórsins sem að þessu sinni var haldin á Sólheimum í Grímsnesi..  Ég lagði að stað á föstudeginum úr bænum upp úr 17:00, kom við í Bónus og keypti smá snarl, stoppaði svo aðeins í Hveragerði og var komin á staðinn rétt fyrir 19:00..  Við vorum 10 manns sem gistum í  þessu húsi  og vorum öll með sérherbergi með sturtu og klósetti😃

 Fleiri kórfélagar gistu í þessu húsi sem er beint á móti okkar húsi..

Ég dreif mig inn með dótið, heilsaði upp á fólkið og svo var æfing kl 19:30 í kirkjunni sem var rétt fyrir ofan gistihúsin.. Æfingin var til c.a 22:00, þá fórum við til baka og hittumst í sameiginlegri setustofu í gistihúsinu,  fengum okkur smá snarl og spjölluðum saman.. Ég fór svo í rúmið um miðnætti.. 

Daginn eftir var æfing kl. 09:30 í Vigdísarhúsi sem er þarna rétt hjá. Við æfðum til c.a. 12:00, þá tókum við matarhlé og borðuðum súpu og brauð.. Svo var æfingu haldið áfram til 13:30. Þá tókum við pásu og röltum niður í þorpið til að halda smá tónleika á kaffihúsinu Græna kannan😀. Tónleikarnir tókust vel og eftir þá fengum við okkur kaffi og köku á staðnum sem við vorum búin að panta áður.. Svo var aftur haldið upp í hús og æfing til c.a. 17:00. Við náðum mjög góðum æfingum og lærðum mikið😉. Eftir kóræfingar tók við undirbúningur fyrir kvöldið, s.s. að skreyta salinn, æfa skemmtiatriði, hvíla sig, fara í sturtu og klæða í betri fötin... Meðlimir týndust inn í salinn á milli 19:00 og 19:30.. Við fengum lambalæri og meðlæti og svo voru fínustu skemmtiatriði; altinn var með söng og leikatriði um m.a. útlit, dansæfingu og elli, strákarnir voru með söng/rappatriði um kóræfingu og tónleikalög og sópran var með söng og leikatriði  um áhrifavalda, vörumerki og samfélagsmiðla .. Dagskrá lauk um 23:00 og ég fór heim upp úr miðnætti, lúin eftir góðan, erfiðan og skemmtilegan dag.. Var svo komin í bæinn upp úr hádegi á sunnudeginum.. Það var gaman að koma þarna á Sólheima í fyrsta skipti og sjá staðinn. Við vorum svo ánægð með alla aðstöðu og aðbúnað þarna að við erum búin að panta fyrir næsta ár og mun þetta sennilega verða framtíðarstaður kórsins fyrir þessa æfingahelgi😎

Jói og strákarnir komu svo í sunnudagssteik(lambalæri) seinnipartinn og áttum við góða samverustund..😊

Vikuna 17.-21. mars var þemavika í vinnunni(skólanum) þar sem var m.a. hattadagur, kökuhlaðborð, sumarþema og hrekkjalómadagur.. Þetta var skemmtileg vika sem endaði á árshátíðarkvöldi föstudaginn 21. mars. Við mættum í hliðarsal við veitingastaðinn Nauthól milli kl. 18:00-19:00 og dagskráin byrjaði rétt rúmlega 19:00. Fengum fínasta mat, lambalæri, nautasteik og meðlæti og um kl 20:30 komu meiriháttar flottir og hressir partýstjórar sem héldu uppi stuðinu með söng, dansi, leikjum, gríni og gleði í rúmlega klukkustund og svo var dansað, spjallað og mikið hlegið fram eftir kvöldi. Það er nokkur tími síðan hefur verið svona mikil stemming á vinnustaðaviðburði hjá þessum hópi. Ég fór heim um 23:00, mjög glöð og ánægð eftir kvöldið og hef ekki farið í svona skemmtilegt partý lengi😄.

Í gær var starfsdagur í skólanum þar sem var á dagskrá m.a. tiltekt, fundir og hópefli í íþróttasalnum þar sem við dönsuðum og fórum svo í æsispennandi skotbolta, mikið fjör og læti...

Jamm svona er staðan í sveitinni, nóg í bili..

Gunnar

 okkar varð 15 ára😍 þann 11. febrúar. Það var haldið upp á afmælið með smá kökuveislu í Ásgarðinum 15. febrúar þar sem ég, mamma, Gunni, Jói, Birgir og Gunnar voru samankomin..

 Föstudaginn 14. febrúar hitti ég vinkonar mínar þær Heiði, Valdísi og Magdalenu í Kringlunni. Við fengum okkur að borða á Finnson og fórum svo að sjá nýjustu og síðustu myndina um Bridget Jones, skemmtileg mynd sem ég mæli með😄.

25. janúar fór ég til Heiðar, við pöntuðum okkur pizzu, spjölluðum saman og horfðum á grínmynd:-)

Ég var í vetrarfríi í skólanum 24. og 25. febrúar, fór í klippingu 24. feb en þurfti að vinna aðeins í frístundinni þar sem það var starfsdagur þar 25. febrúar, tiltekt, fræðsla og fundir..

Rútínan hjá mér í fullum gangi, vinna, sofa, borða, kóræfingar og kórstjórnarfundir, sjónvarpsgláp og kíkt í kaffi til múttu.. 

En það er nóg framundan í mars, m.a. leikhúsferð á morgun, æfingabúðir og árshátíðir....

Nóg í bili.. eigið góða daga og farið vel með ykkur..

Sandra lataskata í helgarfríi:-)

Síðasti

 vinnudagur fyrir jólafrí var föstudaginn 20. des. Þann dag var nóg um að vera, litlu jól, vöfflur og kakó, vídjógláp, leiktími  og skondið jólaball þar sem jólasveinar komu í heimsókn í fyrsta skipti(allavega síðan ég byrjaði að vinna þarna). Svo vann ég líka í frístundinni til 16:00, var að vinna af mér daganna milli jóla og nýárs og var orðin frekar lúin þegar ég kom heim😉

Laugardaginn 21. fór ég að syngja með kórnum í Kringlunni. Við sungum frá 20:00 -21:00 og gekk það mjög vel:-)

Aðfangadagur var rólegur, Jói kom um sexleytið í hangiket og meðlæti og var svo að hjálpa mér fram eftir kvöldi að setja upp nýju tölvuna mína.. takk fyrir það minn kæri😘

26. desember komu mamma, Jói, Birgir og Gunnar seinnipartinn í jólamat, hamborgarahrygg og meðlæti og eftir matinn opnuðum við gjafirnar og áttum góða stund fram eftir kvöldi😃. Ég fékk fínustu gjafir, kaffibolla, 4 bækur, dagatal, gjafakort í leikhús og í Kringluna og konfektkassa..

 

 Letidagar dagana á eftir en ég druslaðist þó í gönguferð og í ræktina:-)

Ég, Gunni og mamma fórum til Jóa og strákanna á gamlárskvöld, fengum lambalæri og meðlæti, áttum góða samverustund, horfðum á skaupið, borðuðum snakk og nammi, skutum upp flugeldum, kvöddum gamla árið og fögnuðum því nýja😃

Það var fjölskyldujólaboð hjá Steingerði frænku í Hafnarfriði seinnpartinn laugardaginn 4. jan og þar voru flestir ættingjarnir mættir, en þó voru nokkrir sem ekki komust vegna ýmissa ástæðna.. Við gæddum okkur á hangiketi og meðlæti, ís og ávöxtum og áttum fína samverustund😉

Við mósóbúarnir fórum á bíómyndina: Nosferatu, sunnudaginn 5. jan og ég mæli með þessari flottu og spennandi mynd..

jamm, svona er lífið í sveitinni, eigið góða daga og farið vel með ykkur...

Laugardaginn 9. nóvember

 vaknaði ég snemma og fór á aukakóræfingu kl. 09:30. Var svo í rólegheitum fram eftir degi og fór svo í kózýkvöld til Heiðar vinkonu um kvöldið. Við áttum fína stund, borðuðum kínamat og horfðum á jólabíómynd:-)

18. nóv hélt kórinn tónleika fyrir eldri borgara í Mosó sem tókust vel og allir ánægðir:-)

Föstudaginn 22. nóvember fór ég með vinnufélögunum í frístundinni í diskókeilu í Egilshöll. Það var mjög gaman, mikið hlegið, sungið, dansað, fíflast og spiluð keila sem endaði með því að ég var stigahæst í mínu liði og er ég því orðin "keilusnilli" ásamt annarri sem var stigahæst í hinu liðinu og myndin sem var tekin af okkur er komin upp á vegg í vinnunni😎

Fór með samstarfsfélögunum í skólanum á jólahlaðborð í Bragganum(Nauthóll) við Nauthólsvík 29. nóvember. Það var fínasta kvöld og samverustund, góð mæting, ágætis matur, skemmtiatriði, gleði og gaman😉

Í hádeginu daginn eftir hitti ég vinkonur mínar þær Heiði og Valdísi á veitingahúsinu Haust þar sem við áttum pantað borð á jólahlaðborði. Við áttum góða samverustund, fengum góðan mat, spjölluðum, tókum myndir og skiptumst á jólagjöfum. Eftir hittinginn fór ég aðeins í Kringluna og keypti þar hluta af jólagjöf og smá dót sem mig vantaði, kom svo við í Elko og keypti örbylgjuofn sem er afmælis- og jólagjöf fyrir mömmu.. Síðan skrapp ég til mömmu og gaf henni gjöfina og endaði svo daginn á að fara á kosningastað og kjósa í Alþingiskosningum..😀

Þriðjudaginn 3. desember hitti ég gömlu kórfélagana í Borgarkórnum heima hjá Sigvalda kórstjóra. Þetta var skemmtileg stund, vorum þarna rúmlega 25 manns samankomin, sungum, spjölluðum og fengum okkur veitingar, alltaf gaman að hittast og syngja jólalögin okkar😊

Ég hef líka verið að syngja jólalög með Mosfellskórnum út um borg og bí undanfarið, höfum m.a. farið í Smáralind, Ikea, hjúkrunarheimili í Mosó, í Fjörðinn(verslunarmiðstöð í Hafnarfirði) og erum ekki búin enn. Þetta hefur gengið vel og alltaf gaman að syngja jólalögin í góðu stuði😏

Erum búin að setja upp jólaljós og skraut hér heima og setjum væntanlega jólatréð upp um helgina, alltaf notalegt að fá ljósin og tréð:-)

Næsta föstudag er mikið um að vera: við fáum að sjá Lúsíusýninguna hjá nemendum 5. bekkjar,  það er  jólamatur fyrir börnin og eftir vinnu fer ég í klippingu og svo í afmæliskaffi hjá mömmu:-)

Í næstu viku er líka nóg um vera. m.a. jólaball og litlu jól, jólakaffi fyrir starfsfólk, friðarganga og söngur með kórnum í Mjóddinni og í Kringlunni... 

Jamm, nóg í bili, hafið það gott og farið vel með ykkur..

Jamm

 nú er kórinn að æfa fyrir tónleika fyrir félagsstarf eldri borgara í Mosó sem verða haldnir í Hlégarði 18. nóvember😉 Eftir það tekur einkum við jólasöngur og svo eftir áramót æfum við einhver ný og eldri lög fyrir vortónleikana sem verða í maí:-)

Eins og gengur eru nokkrir meðlimir hættir😔 vegna ýmissa ástæðna en við fengum nokkra nýja  í staðinn😊

Sunnudaginn 22. sept fórum við Gunni í gönguferð á Úlfarsárfell. Í þetta sinn fórum við í fyrsta skipti aðra gönguleið, fínasta gönguleið, en ég var eitthvað illa upplögð og komst ekki alla leið upp á toppinn, vantaði ekki mikið uppá, það gengur bara betur næst, en Gunni hélt áfram og komst alla leið😎

Laugardaginn 28. sept fór ég til Heiðar vinkonu minnar, við fengum okkur Nings og horfðum á grínmynd, fínasta samverustund:-)

Laugardaginn 5. okt kom Gunnar okkar í heimsókn og gistingu.😀  Gunnar hefur áhuga á eldamennsku sem er frábært og eftir sundferðina eldaði hann fínasta hakkrétt og meðlæti og svo áttum við kózý kvöld, horfðum saman á bíómynd og fórum svo að sofa..

 

 

Gunnar fór um hádegið daginn eftir og um kvöldið kom Birgir okkur í heimsókn og gistingu😃 því það var starfsdagur í skólanum hans á mánudeginum.. Birgir er orðin svo duglegur að lita og teikna, hann dundaði aðeins í listsköpun og svo fórum við að sofa..

Laugardaginn 12. október var komið að haustpartýi kórsins😀. Ég var tengiliður stjórnar við partýnefndina og tók smá þátt í undirbúningi og frágangi..Nefndin mætti um klukkan 18:00 í sal í Mosó og svo týndist fólkið inn um klukkutíma seinna.  Það var bleikt þema, allir komu með eitthvað á borðið, það var söngur, leikir og almenn gleði fram yfir miðnætti.. Svo gengum við frá og ég var komin heim rúmlega 01:00.. mjög skemmtilegt kvöld í góðra vina hópi.

 

Föstudaginn 18. október var komið að haustpartýi í vinnunni😉. Það var haldið í Seljahverfi heima hjá aðstoðarskólastjóranum.. Ég mætti rétt fyrir 19:00 og þar var mikið stuð, flottur trúbador sem hélt uppi söng og stuði og við sungum mikið og hátt og dönsuðum með.. Síðan var farið í spurningaleik og karókí.. Það var fínn matur, nautasteik og meðlæti, nammi og snakk. Ég fór heim rúmlega 21. 00 eftir skemmtilega samverustund í góðra vina hópi:-)

Já, hvað annað er að frétta..  jú ríkisstjórnin er sprungin, allt í háaloft og fýlu í stjórnmálunum og það verða Alþingiskosningar 30. nóvember😏

Framundan hjá mér er m.a. klipping, vetrarfrí og jólahlaðborð 29. nóv og 30. nóv með vinnunni og saumaklúbbnum😋

Nóg í bili, njótið komandi viku og farið vel með ykkur..

föstudaginn

 9. ágúst hittumst við Heiður vinkona í hádeginu niðri í bæ, fórum á veitingastaðinn Kopar sem er við höfnina, sátum þar góða stund og gengum svo yfir á Lækjartorg, fengum okkur kaffi og köku á kaffihúsi og sátum úti í góða sumarveðrinu í hátt í tvo tíma😎

Mánudaginn 12. ágúst var haldið upp á 9 ára afmæli Birgis okkar í Geitlandinu, við kíktum þangað seinnipartinn í súpu, brauð, kaffi og kökur, fínasta veisla og fullt af gestum..😉

Mætti í vinnuna 15. ágúst þar sem voru starfsdagar fyrstu vikuna. Það var ýmislegt að gera, telja bækur, námsgögn og ritföng, færa húsgögn milli stofa, fundir, námskeið, fyrirlestrar, ljósrita og plasta námsgögn og margt fleira:-)

Ég er núna í fyrsta 1. bekk að aðstoða nokkur börn😉, er einkum með 2 drengi sem ég fylgi allan daginn og er líka í frístundinni 3 daga í viku..

Við eru 6 starfsmenn, 3 kennarar og 3 stuðningsfulltrúar, í 1. bekk þar sem eru 42 börn og veitir ekki af. Einnig koma aðrir starfsmenn að bekknum, s.s. þroskaþjálfar og sérkennarar..

Sunnudaginn  18. ágúst fórum ég, Gunni, Jói og Gunnar á Alien Romulus sem var ágætis afþreyingarmynd og er meira í ætt við gömlu góðu Alien myndirnar.. 

Laugardaginn 31. ágúst var svo komið að árlegu sumarbústaðaferðinni með vinkonum mínum þeim Valdísi og Heiði😃. Lögðum af stað í hádeginu í roki og rigningu, stoppuðum í Krónunni á Höfða og versluðum í matinn, keyrðum svo Hellisheiðina, stoppuðum í Hveragerði og fengum okkur í gogginn í Mathöllinni og vorum komnar í bústaðinn um kaffileytið.. 

Veðrið var frekar leiðinlegt, en við létum það ekki á okkur fá, fengum afmælisköku í tilefni afmælis Heiðar, fórum í heita pottinn í mikilli rigningu og svo í gufubaðið, elduðum góðan mat, fengum okkur kokteil, kex, osta, snakk og nammi og spiluðum skemmtilegt spil😉

Fórum í bælið um eittleytið, sváfum út, borðuðum morgunmat, tókum til og vorum komar í bæinn um kaffileytið á sunnudeginum, gaman saman og kozý samverustund:-)

Nú byrjar kórstarfið í næstu viku, aðalfundur og æfing á miðvikudaginn og því var kórstjórnarfundur í dag til að leggja línurnar fyrir veturinn og ákveða dagskrá fyrir aðalfundinn..

Jamm, rútínan að komast á fullt og ég hef verið pínu þreytt síðustu daga, enda viðbirgði að vera búin í sumarfríi og byrja að vinna fulla vinnudaga..

Hafið það gott og njótið ykkar..

Það

 er búið að vera frekar leiðinlegt veður í sumar, mikið um rigningu og vind og fáir sólardagar😞.. 

Ég er búin að lesa nokkrar bækur í fríinu og er nú búin að lesa 31 bók frá áramótum.. Einnig hef ég farið aðeins í gönguferðir (engar fjallgöngur samt), skellt mér í heita pottinn og gufuna, horft á sjónvarpið, bæði á sjónvarpsþætti og Ólympíuleikana, farið með bílinn bæði í þjónustuskoðun þar sem m.a. var gert við bremsurnar og í aðalskoðun og skroppið í klippingu .

Átti rólegan afmælisdag, fékk fínustu afmælisgjafir (peninga, veggmynd, sokka og skál), fékk mikið af fallegum kveðjum, skilaboðum, sms og símtölum og svo  bauð mamma mér á kaffihús í tilefni dagsins😊

Við Gunni fórum á 3 klukkutíma bíómyndina: Horizon: An American Saga – Chapter 1, með Kevin Costner sem er fínasta mynd😄. 

Fór í cozýkvöld til Heiðar vinkonu minnar 12. júlí, við pöntuðum okkur pizzu, skiptumst á afmælisgjöfum og horfðum á nýjustu : Beverly Hills Cop: Axel F myndina á Netflix sem er ágætis grínmynd:-)

Birgir okkar varð 9 ára þann 16. júlí. Hann var á ferðalagi með Láru, Gunnari, Jóni, Steina og Margréti  á afmælisdaginn, en kom í bæinn nokkrum dögum seinna.  Ég og Gunni kíktum í heimsókn til hans sunnudaginn 21. júlí og náðum að gefa honum afmælisgjafirnar😀. Jói, Birgir og Gunnar flugu svo til Portúgals 23. júlí og koma heim um Verslunarmannahelgina..

Síðastliðinn föstudag var flott sumarveður, hiti og sól og við mamma notuðum tækifærið og skruppum í smá bíltúr og fórum á kaffi Kjós, sátum úti á palli og fengum okkur vöfflur og heitt súkkulaði😎

Jamm, rólegheit hér í sveitinni og lítið að frétta..

Nóg í bili, er að fara að horfa þátt á Netflix..

 

Sunnudaginn

 9. júní kíktum ég og Gunni í heimsókn til Jóa, Gunnars og Birgis sem voru í sumarbústað við Hreðavatn.  Við  fengum gott veður, sól, sumar og hiti, grilluðum, fórum að veiða, sátum á pallinum og strákarnir fóru að vaða og synda í vatninu og við áttum fínustu samverustund😎..

 Fórum svo aftur í bæinn á þriðjudeginum, en Jói og strákarnir voru lengur..

Föstudaginn 14. júní hitti ég Elínu vinkonu mína og dætur hennar sem voru á landinu í nokkra daga. Kíkti til þeirra í kaffi og spjall:-)

Sunnudaginn 16. júní  fór ég í fínustu stúdentsveislu hjá Snædísi Lilju (dóttir Brynju frænku).

Birgir kom svo með mér heim eftir veisluna í heimsókn og gistingu. Við Mosóbúarnir áttum fína stund með honum, fórum á leikvöllinn í fótbolta og í þrautabrautina..

Daginn eftir fórum við svo í Hljómskálagarðinn á 17. júní hátíðarhöldin, það var ágætt, Birgir fór í aparóluna og klifraði í trjám og klifurneti en ég held að það sem stóð upp úr var hjólböruhlaupabrautin sem var frekar fyndið, hann sat í hjólbörum og ég og Gunni keyrðum/hlupum með hann sitthvora ferðina 😉 

Komum heim um kaffileytið, pöntuðum okkur pizzu og Jói og Gunnar sóttu hann svo seinnipartinn..

Mánudaginn 24. júní kom Gunnar til okkar í nokkra daga, við keyrðum hann og sóttum á fótboltaæfingar og fótboltaleik þar sem liðið hans vann 4-1, þar af skoraði Gunnar 3 mörk😀

Elduðum kvöldmat og borðuðum saman og eftir matinn fór hann í sundlaugina, pottana og gufuna. Hann fór svo heim á fimmtudeginum og við áttum góðar samverustundir þessa daga .. Gunnar fór svo í vikuferð til Spánar á fótboltamót með félögum sínum á laugardeginum..

Ég hef líka slappað af, hangið í tölvunni, glápt á imbakassann, farið í gönguferðir, kíkt í búðir þar sem ég  keypti afmælisgjafir og í gær druslaðist ég í ræktina;-) 

Við mamma erum að fara í bíó seinnipatinn í dag að sjá íslensku myndina Snerting😏

Veðrið hefur ekki verið neitt sérstakt, rigning, kuldi og vindur, en inn á milli verið smá sól, hiti og logn..

og já, hellan í eyranu fór loksins um daginn af sjálfu sér, sem betur fer...

Nóg í bili, njótið ykkar og farið varlega í umferðinni..

Sandra í sumarfríi..

Hitti

 Heiði vinkonu mína 4. maí í Kringlunni, við fórum á Kringlukrána, fengum okkur gott að borða og áttum góða samverustund:-)

Sunnudaginn 5. maí var svo komið að vortónleikum Mosfellskórsins. Við mættum um fimmleytið í Hlégarð sem er félagsheimili í Mosó, settum upp salinn, helltum upp á kaffi og tókum smá æfingu með hljómsveitinni.. Tónleikarnir byrjuðu svo klukkan 20:00. Þetta voru fínustu tónleikar sem heppnuðust vel, það voru um 50 gestir, þar á meðal mamma, Jói og Ari vinur Jóa og þakka ég þeim kærlega fyrir komuna😀.

Jói átti afmæli 7. maí og við fórum í smá kaffiboð til hans í tilefni dagsins:-)

9. maí fór ég  á leikritið/söngleikinn Níu líf  sem fjallar um líf Bubba Morthens.. Þetta er stórkostlegt sýning og mikil upplifun sem ég hefði alls ekki viljað missa af. 

Laugardaginn 11. maí var svo vorferð kórsins. Við hittumst um klukkan 16:30 fyrir framan Stjórnarráðið í sól og sumaryl, gengum aðeins um bæinn og enduðum svo á stað sem heitir Skor. Þar fórum við í allskonar píluleiki, fengum hamborgara og franskar og höfðum gaman saman..

 Vorum þar í c.a. 3 tíma og fórum svo á smá djamm í bænum. Gengum inn á Pablo disco bar, fengum okkur að drekka, vorum næstum ein á staðnum enda snemma kvölds, dönsuðum, sungum með lögunum og fengum útrás í tæplega klukkutíma. Þaðan lá leiðin upp Laugaveginn í frábæru veðri og enduðum á Mál og menningu þar sem voru tónleikar með húsbandinu. Stoppaði þar í smástund og fór svo heim upp úr 22:00, mjög glöð og sæl eftir frábært kvöld í góðra vina hópi. Mikið var þetta gaman, hef ekki skemmt mér svona vel í langan tíma😎. 

Laugardaginn 18. maí fórum við mamma á kvikmyndina  The Fallguy, fínast grín og spennumynd sem ég mæli með :-)

Daginn eftir helltist í mig leiðindaflensa með hita, kvefi, hnerra, hálssærindum, orkuleysi, beinverkum og ég missti bragð og lyktarskynið. Ég var heima alla vikuna og missti af vorferð með vinnunni😰. 

Laugardaginn 25. maí var ég orðin nokkuð góð og fór með Heiði  í Egilshöll þar sem við pöntuðum pizzu og fórum svo á kvikmyndina Furiosa: A Mad Max Saga, sem er alveg ágætis ræma..

Daginn eftir var ég komin með hellu og sáran verk í hægra eyra sem er mjög vont og ég svaf lítið næstu tvær nætur:-(

Fór í vinnuna á mánudeginum, komst til læknis eftir vinnu á þriðjudegi, fékk þar eyrnadropa og sýklalyf, hef komist í vinnuna og er orðin miklu miklu betri af pestinni, ekki samt 100 %.  Þetta er leiðinda og langvinn pest sem margir eru með og þar með talið fólk í kringum mig. Eyrnaverkurinn er farinn en ekki hellan sem þýðir að ég heyri ekki vel hægra megin og þegar ég tala þá bergmálar allt í hausnum á mér, ekki gaman það.. en þetta lagast vonandi fljótlega af sjálfu sér..

5. júni var síðasti vinnudagur í frístundinni og svo var smá vorfögnuður þar fyrir starfsfólkið seinnipartinn.Við elduðum góðan mat og áttum fína samverustund, spjall og stuð😀

Skólaslitin voru á fimmtudag og starfsdagur í gær og nú er ég komin í kærkomið sumarfrí :-) 

Í gær fór ég í klippingu og er núna bara í letistuði, þvo þvott, glápa á TV og slaka á...

Nóg í bili, farið vel með ykkur og njótið lífsins..

Sandra lata..

Gunnar

 okkar fermdist sunnudaginn 24.mars😀

Ég vaknaði snemma, sótti mömmu og við vorum komnar í Bústaðakirkju aðeins fyrir athöfnina sem byrjaði um 10:30..

Við sem vorum boðin í kirkjuna voru: Jói, Lára, Birgir, ég, Gunni, mamma, Jón pabbi Láru, Steini, Margrét dóttir Steina og  Margrét mamma Steina .

Athöfnin var falleg, tók c.a. klukkutíma, hef ekki farið í svona athöfn í tæplega 30 ár og það hefur aðeins breyst athöfnin, t.d. voru 2 prestar og börnin lásu upp ritingargreinar, það var tónlist og ég og fleiri úr hópnum gengum til altaris með Gunnari...  

Eftir athöfnina voru teknar myndir fyrir utan kirkjuna i góðu veðri og svo fór hluti hópsins heim og aðrir héldu í salinn til undirbúa veisluna. 

Við komum í veisluna tæplega 15:00 og vorum þar í tæpa 3 tíma. Veislan gekk vel, það var fullt út úr dyrum af gestum, fjölskyldu og vinum, hlaðborð með alls kyns kræsingum, kransakökur, vefjur, kleinuhringir, smáhamborgarar, brauðtertur, rjómakaku, grillspjót, kaffi, gos, marsipantertur og rice krispies kaka og Gunnar var ánægður með daginn,

Já, flottur og ánægjulegur dagur í alla staði og gekk vonum framar😃

Páskafríið var fínt, fór aðeins í ræktina og sundlaugina, annars bara afslöppun og Jói og strákarnir komu í matarboð á föstudaginn langa...

Ég fór í kózýkvöld til vinkonu minnar 6. apríl, við fengum okkur Kínamat og horfðum á bíómynd..

Þann 12. apríl átti Gunni afmæli😏 og við héldum upp á það með því að fara út að borða með Jóa, Gunnari og Birgi. Eftir matinn kíktum við heim til Jóa, fengum kaffi og ís og svo kom Birgir með okkur upp í Mosó í gistingu en Gunnar var að fara í fótboltakeppni daginn eftir..

15. apríl var starfsdagur í vinnunni og það var fínasta hlaðborð sem ég og margir fleiri komu með veitingar á.  

Jamm, gott að komast í helgarfrí og svo er nóg framundan næstu vikur, t.d. kóræfingar, tónleikar og vorferðir með vinnunni og kórnum.. 

Nóg í bili.. Sandra lata.

mikið

 um að vera síðustu vikur..

Gunnar hélt upp á 14. ára afmælið sitt sunnudaginn 18. febrúar.😎 Ég og mamma fórum til Jóa og strákanna þar sem við fengum fínustu steik og meðlæti.. Eftir matinn og samverustundina kom Birgir með mér heim í Mosó í gistingu og cozý enda við bæði komin í vetrarfrí.. 

Daginn eftir náði ég loksins að fara með bílinn í smurningu og seinnipartinn fórum ég, Gunni og Birgir á skemmtilega teiknimynd😀

Birgir fór svo heim seinnipartinn á þriðjudeginum en ég  þurfti  ég að fara á 5 tíma skyldunámskeið fyrir starfsfólk frístundamiðstöðva. 

Fór í klippingu 16. febrúar enda komin tími til..

Laugardaginn 17. feb var þorragleðispartý hjá kórnum. Við hittumst í sal í Mosó, fengum okkur að borða, fórum í leiki og spurningakeppni þar sem mitt lið vann skammarverðlaun😉,  dönsuðum, sungum og áttum skemmtilegt kvöld saman..

Ég fór til Heiðar vinkonu minnar 24. febrúar, við pöntuðum okkur heimsendan mat , horfðum á gamla bíómynd og áttum góða kvöldstund..

Föstudaginn 1. mars hitti ég vinkonur mínar Heiði, Gyðu og Kristínu á kaffihúsi eftir vinnu. Við höfðum ekki hist fjórar saman í langan tíma, það var gaman að hitta þær aftur  og við stefnum á að endurvekja saumaklúbbinn sem við vorum í hér áður fyrr😏

Laugardaginn 2. mars fórum ég og Gunni á fynda og flotta íslenska leikritið Deleríum Búbónis í Borgarleikhúsinu þar sem er mikið um dans og gömul þekkt flott sönglög og skemmtum okkur vel 😃 mæli með þessu leikriti..

Daginn eftir fórum við svo á stórmyndina Dune 2 í sal 1 í Egilshöll, mæli með þeirri mynd.. 

Föstudaginn 8. mars var svo komið að æfingabúðum hjá kórum og loksins gátum við haldið þessa æfinga/árshátíðarhelgi utan við bæinn sem er alltaf miklu skemmtilegra og þjappar hópnum betur saman:-)

Ég var að vinna til 14:00, fór svo heim og tók mig til og lagði af stað rúmlega 17:00. Stoppaði í Borgarnesi til að fá mér kaffi og var svo komin á Hótel Bifröst rétt fyrir 19:00. Fór og náði í lykilinn, setti dótið í herbergið og svo var æfing klukkan 20:00. Við gistum á hótelinu, en vorum með æfingar, hádegis og kvöldmat og árshátíðina í gamla Hreðarvatnsskála( sem við leigðum yfir helgina) sem er nokkrar mínútur frá hótelinu. Æfingin var í c.a. 2 tíma og svo var farið heim og lagt sig..

Daginn eftir var morgunmatur og æfing frá 09:30- 17:00 með matar og kaffihléi. Við fengum sendan hádegsmat og kvöldmat frá rekstraraðilum skálans sem reka líka veitinga og gistihúsið Hraunsnef sem er líka staðsett þarna rétt hjá.. Æfingarnar gengu frekar vel og allir orðin hálf raddlausir eftir daginn ..

Svo var aðeins farið upp á hótel, hvílt sig, farið í sturtu og puntað og svo gengum við af stað upp í skálann aftur, vorum c.a. 10 á leiðinni.. Þá tók við árshátíð, matur, leikir, skemmtiatriði, söngur, dansiball og almenn gleði fram eftir kvöldi. Þetta tókst mjög vel og var svo gaman og gott að eiga svona góða samverustund. Ég var til c.a.01:00 og þá gengum við smá hópur saman til baka á hótelið og ég man bara ekki eftir því hvenær ég labbaði heim af djamminu síðast 😁

Morguninn eftir var vaknað snemma, tekið til, fengið sér morgunmat og lagt af stað í bæinn upp úr 11:00.. Mjög skemmtileg helgi að baki og vonandi endurtekin að ári..

Strákarnir komu í gistingu laugardaginn 16. mars😊 pöntuðum okkur pizzu og höfðum cozý, förum svo öll saman í sund á sunnudeginum og Jói kom svo og sótti þá fljótlega eftir sundferðina..

Á laugardagskvöldinu byrjaði enn og aftur að gjósa á svipuðum stað og síðast við Sund­hnúkagíga og stendur það gos enn og veit enginn hvenær það hættir..

Miðvikudagurinn 20. mars var langur vinnudagur. Mætti í skólann um 08:00, vann þar til 14:00, fór þá í frístundina til 16:00 og fór þá aftur í skólann þar sem var bingó og föndur fyrir börnin til 17:20 og þá tók við bingó, pizza og samverustund fyrir starfsfólkið, var svo komin heim um 18:30...

Það er stór dagur á morgun þar sem Gunnar okkar er að fermast😍 athöfn í kirkjunni 10:30 og kaffiboð klukan 15:00..

Jamm svona gengur þetta allt saman, þarf að vinna 4 tíma í frístund á mánudaginn og er þá komin í langþráð páskafrí:-)

Góðan

 daginn og gleðilegt nýtt ár. 

Gamlársdagur/ kvöld var rólegt, ég kíkti til múttu í kaffi, við Mosóbúarnir elduðum fínasta lambahrygg og meðlæti, horfðum á sjónvarpið og flugeldana og fórum svo að sofa einhverntíma eftir miðnætti😏.

Við vinnufélagarnir í frístundinni áttum góða samverustund þann 10. janúar, hittumst í Minigarðinum, fengum okkur að borða og spjölluðum og hlógum fram eftir kvöldi.. 😃

Ég hitti vinkonur mínar þær Heiði og Magdalenu föstudaginn 26. janúar. Við hittumst á veitingastað í Kringlunni, sátum þar og borðuðum og töluðum í rúmlega klukkustund og fórum svo í Kringlubíó á rómantíska gamanmynd, áttum góða samverustund þetta kvöld😄

Daginn eftir var stjórnarfundur í kórnum, það var margt og mikið að ræða, skipuleggja og ákveða og á endanum stóð þessi góði fundur í tæplega 3 tíma..

Miðvikudagurinn 31. jan var langur dagur, mætti í skólann rétt fyrir 08:00 og var þar til tæplega 14:00, þaðan fór ég yfir í frístundina og vann þar til rúmlega 18:00, þar sem það var starfsmannafundur eftir lokun...

Gunnar okkar á 14 ára afmæli á morgun😍 mikið líður tíminn hratt..

Framundan hjá mér er m.a. klipping, kórpartý, leikhúsferð og vetrarfrí..

Jæja, lífið og dauðinn, fólk kemur og fer og dauðinn spyr ekki um aldur, stað eða stund..

Í liðinni viku fékk ég dánarfréttir💓 af þremur einstaklingum sem ég þekki, þar af voru tvær frekar óvæntar. Blessuð sé minning þeirra.

Fyrsta tilkynningin var af mjög óvæntu andláti fyrrverandi samstarfskonu sem ég vann með í nokkurn tíma, en hún sem hætti vegna aldurs fyrir örfáum árum. Önnur tilkynningin um andlát var fjörgamall sveitungi minn, en þriðja dauðsfallið var 45 ára gamall barnsfaðir frænku minnar sem lést óvænt heima hjá sér..  

En nú víkur sögunni af náttúruhamförunum á Reykjanesi og Suðurnesjum..

Það er búið að gjósa á Reykjanesskaga af og til síðustu þrjú ár en það hafa verið svokölluð "túristagos" og ekki verið miklar afleiðingar af þeim fyrir íbúa, innviði og húsnæði en nú er staðan önnur.

Atburðarrásin hófst má segja þann 10. nóvember 2023 þegar mjög öflug jarðskjálftahrina skók Reykjanesið og Grindavík sem endaði með því að rýma þurfti Grindavík og allir íbúar fóru burt úr bænum..

Næstu vikur var bærinn að mestu leyti lokaður en svo kom að því að íbúar gátu dvalið þar smá tíma, farið í húsin og tekið dót og einhver atvinnu starfsemi komst í gang, þrátt fyrir miklar skemmdir í bænum, götur og hús með miklar sprungur og jarðsig og hættuleg að fara um bæinn..

Það byrjaði að gjósa 18. des sem setti allt úr skorðum og engin mátti vera í bænum, en það gos stóð stutt og gerði ekki mikinn usla nema að rafmagn fór af Grindavík..

Næstu daga var ekki mikið um að vera í bænum, hann var ýmist opinn eða lokaður og byrjað var að fylla upp í stórar götusprungur og eitthvað uppbyggingarstarf hafið. Þann 10. janúar endaði því miður ein slík sprunguviðgerð með andláti þar sem viðkomandi féll ofan í sprunguna og lést..

En svo 14. janúar byrjaði aftur að gjósa og þá varð mikil eyðilegging þar sem hraun rann bæði yfir Grindavíkurveg og vatnleiðslur þar, en einnig inn í Grindavík þar sem þrjú hús brunnu og fóru undir hraun..sem betur fer voru engir íbúar í bænum þar sem búið var að rýma hann..

Þetta gos stóð einnig stutt en skaðinn var skeður..Sem betur fer var búið að reisa varnargarða rétt hjá Grindavík og þeir björgðu aðeins því hraunið hefði runnið lengra inn í bæinn ef þeir hefðu ekki verið..

Hluti af bænum er mjög illa farinn, ónýt hús, mannvirki, götur og umhverfi og það fær enginn að búa þar núna, bara fara og tæma íbúðir og ná í dót og atvinnurekendur eru sumir fluttir með starfsemi annað, ríkið ætla að kaupa ónýtar eignir af íbúum svo þeir geti flutt og keypt hús annarsstaðar..

 Svo kom enn eitt áfallið 8. febrúar þegar það byrjaði að gjósa enn einu sinni á sömu gossprungu og áður..Þetta var líka mjög stutt gos en þá rann hraun yfir Grindavíkurveg(á öðrum stað),  yfir veginn að Bláa lóninu og yfir mjög stóra heitavatnsæð sem flytur vatn til Suðurnesja..

Þannig að ástandið í dag er mjög alvarleg, það er hitavatnslaust hjá c.a. 30.000 íbúum Suðurnesja og það tekur nokkra daga að koma vatninu á aftur, viðgerð hófst strax en það tekur allt tima, kalda vatnið fór ennig af tímabundið í gær vegna bilunar en það er komið í lag, ásamt því að rafmagnið kemur og fer á Suðurnesjum..

Já, þetta er ekki gott, en svona er nú staðan.. 

Nóg í bili, 

Sandra lata...